لاجت تعد الخطاوي طار سرب الحمام

الجادل اللي لها بالقلب قدْر ومقام
يا وجْد حالي عليها كثْر حُبِّي لها
نجلا العيون بْهَدَبها شوق ما ادْري خِصام
يومٍ حَكَت لي من اللهفه مظاليلها
فيهادَلال وجمال وكبرياواحترام
تضِيع كل العذارى في طرَف ليلها
لا من تثنّا على ردْف ٍ يضِيم الحزام
عزِّي لنفسي من الغربال عزِّي لها
لا جَت تعدّ الخطاوي طار سرْب الحَمام
من قدّها لا اقبلت كلٍّ يسمِّي لها
رعْبوبةٍ في وصايفها يضيع الكلام
أتعَبت حِبْري وانا اكتبها وأغنِّي لها
لا سولفَت لي توصّلني حدود الغمام
وأطير من فرحتي وأشعل قناديلها
حَبّيتها لين عدّيت بغلاها الهيام
حتى شرَبت السعاده من فناجيلها
منْها تعلّمت وشلون اختصار الغرام
لين اختصرت الدروب اللي تودِّي لها
يا ليتها بسّ لومرّه تردّ السلام
والله لاخلِّي بيوت الشعْر تصْخي لها
وأقول كلّ الغلا لك واتحدّى الملام
ما دام مزْن الغلا تمطر هماليلها

يعطيك العافيه

الله يعافيك فتافيت

الله يعطيك العافيه همس

[ندعوك للتسجيل في المنتدى أو التعريف بنفسك لمعاينة هذه الصورة]

» الحمام القلاب او الحمام المبدع